پاک فوج دے سربراہ جنرل قمر جاوید باجوہ ہک ڈینھ دے سرکاری دورے تے کویت پج گئے

کویت ۔ 20 فروری (اے پی پی) بری فوج دے سربراہ جنرل قمر جاوید باجوہ ہک ڈینھ دے سرکاری دورے تے کویت پج گئے ، کویت دے نائب وزیراعظم اتے وزیر دفاع شیخ احمد منصور الاحمد الجابر الصباح،کویت دی مسلح افواج دے چیف آف جنرل سٹاف لیفٹیننٹ جنرل محمد خالد الخضراتے اورانڈر سیکرٹری نیشنل گارڈ لیفٹیننٹ جنرل سٹاف انجینئر ہاشم عبدالرازق الرفیعہ نال انج انج ملاقاتاں کیتی جئیں اچ دفاعی اتے سکیورٹی دے کئی شعبیاں اچ ڈو پاسہ تعاون ودھاونڑ تے اتفاق کیتا گیا۔کویت دی سیاسی اتے عسکری قیادت پاک فوج دی پیشہ وارانہ مہارت اتے دہشت گردی دا مقابلہ کرنڑ اچ پاکستانی قوم دے عزم دی تعریف کیتی۔ایں توں پہلے آرمی ہیڈ کوارٹر پجنڑ تے کویت دی مسلح افواج دے چیف آف جنرل سٹاف لیفٹیننٹ جنرل محمد خالد الخضر بری فوج دے سربراہ جنرل قمر جاوید باجوہ دا استقبال کیتا۔کویت آرمی دے چاق و چوبند دستے جنرل قمر جاوید باجوہ کوں گارڈ آف آنر پیش کیتا۔