بیجنگ ۔ یکم فروری (اے پی پی) چین دے وزیر خارجہ وانگ ژی کرونا وائرس پھیلنڑ دے بعداوکھے ویلھے اچ پاکستان ولوں پوری حمایت تے شکریہ اداکریندے یقین ڈیوائے جو چینی حکومت چین اچ موجود پاکستانی شہریاں دی صحت، تحفظ اتے ڈیکھ بھال یقینی بنڑیسی۔چینی وزارت خارجہ موجب چین دے وزیر خارجہ وانگ ژی اے گالھ اپنڑے پاکستانی ہم منصب شاہ محمود قریشی نال ٹیلی فون تے الویندے کیتی اے۔انہاںا ٓکھیے جو رکورونا وائرس دے اوکھ اچ پاکستان دی حکومت ولوں چین تے اعتماد سنگت دی چنگی مثال اے جئیں چین توں اپنڑے شہری کڈھنڑ دی بجائے ایںا ٓفت نال قابو پاونڑ کیتے چین دیاں صلاحیتاں تے اعتماد کیتے۔وانگ ژی آکھیے جو چین پاکستانی بھینڑ بھراواں دا تحفظ،صحت اتے ڈیکھ بھال تے پوری توجہ ڈیسی اتے انہاں دی ہر ممکن مدد کیتی ویسی۔