کارٹیلز اتے ناجائز منافع خوری کرنڑ آلے دے خلاف سخت کارروائی کیتی وینجے،لوکاں کوں ودھ توں ودھ ریلیف ملنڑاچاہیدے، حکومت اداریاں دی کرپشن، انتظامی بدعنوانی اتے غفلت دا بھار عوام تے سٹنڑدی اجازت نہ ڈیسی،وزیراعظم عمران خان دا جائزہ اجلاس نال خطاب

APP77-23 NEW YORK: September 23 - Prime Minister Imran Khan speaking during Secretary-General’s Climate Action Summit at UN Headquarters. APP

اسلام آباد ۔ 28 فروری (اے پی پی) وزیرِاعظم عمران خان ہدایت کیتی اے جوکارٹیلز اتے ناجائز منافع خوری کرنڑ آلے دے خلاف سخت کارروائی کیتی وینجے،لوکاں کوں ودھ توں ودھ ریلیف ملنڑاچاہیدے، حکومت اداریاں دی کرپشن، انتظامی بدعنوانی اتے غفلت دا بھار عوام تے سٹنڑدی اجازت نہ ڈیسی۔اے گالھ وزیراعظم عمران خان جائزہ اجلاس نال خطاب کریندے آکھی جیندے اچ انہاں گھٹ آمدنی اتے کمزور طبقاں کوں سوکھ ڈیونڑ کیتے مختلف شعباں اچ حکومت ولوں سبسڈی دے اثرات دا جائزہ گھدے ۔اجلاس اچ توانائی، خوراک، فرٹیلائزر زدے شعبہ اچ حکومت ولوں ڈتی گئی سبسڈی دے نال نال سماجی تحفظ دے احساس پروگرام، برآمدات اچ ودھارے کیتے مختلف شعبہ جات اتے اعلیٰ تعلیم دے ودھارے کیتے پچھلیاں حکومتاں ولوں اقدامات تے بریفنگ وی ڈتی گئی۔وزیراعظم آکھیے جو سبسڈی دا بنیادی مقصد عوام اتے خصوصاً کمزور اتے گھٹ آمدنی آلے طبقہ کوں ریلیف ڈیونڑ،صنعتاںد ا ودھارا اتے اعلیٰ تعلیم تئیں رسائی اچ سوکھ ڈیونڑ اے۔وزیرِاعظم عمران خان آکھیا جو سبسڈی دے نال نال یقینی بنڑایا ونجے جو اے رقم متعلقہ افراد اتے متعلقہ مقصد کیتے فائدہ مندہووے۔وزیراعظم آئی ایم ایف نال سٹاف لیول معاہدے دی کامیابی تے اطمینا ن کریندے آکھیے جو موجودہ مالی سال اچ عوام کوں منی بجٹ توں بچاونڑ حکومت دی اہم کامیابی اے،وزیرِ توانائی وڈے بجلی چوراں کوں پکڑن تے خصوصی توجہ ڈیون۔