،اجوکی حکومت میڈیا دی آزادی تے یقین رکھیندی اے،وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان دی میڈیا کوں بریفنگ

اسلام آباد ۔ 13 مارچ (اے پی پی)وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو 22کروڑ عوام وانگوں اساں وی توقع رکھیندوں جو نیب قانون دا ہکو جیہا اطلاق یقینی بنڑایا ونجے اتے ادارے اندرانتقال دی بوں کائنا امسی،کمزور کوں وٹھی گھنڑ اتے طاقتور کوں چھوڑ ڈیونڑ داتاثر ختم تھیونڑاں چاہیدے ،نیب کہیں کوں پکڑ نڑ توں پہلے حقائق دا جائزہ گھنے،قنونی تقاضے پورے کرے اتے گرفتاری دے بعد اوں تے لگے الزام ثابت کرے،ایں دے بعد عدالتاں دا عمل اے او جئیں کوں چاہے چھوڑ ڈیوے یا سزا ڈیوے،حکومت میڈیانال تصادم نی چاہندی اتے نہ میڈیا نال ٹکراﺅ کہیں حکومت سانگے ٹھیک ہوندے،اجوکی حکومت میڈیا دی آزادی تے یقین رکھیندی اے،میر شکیل الرحمن میڈیا ہاﺅس دے مالک ہوونڑ دے نال نال کاروباری وی ہن اتے انہاں دی گرفتاری بطور کاروباری شخصیت تھئی اے،ہک بندے کوں میڈیا دی آزادی نال جوڑنڑ صحافتی اقداردی خلاف ورزی اے۔او جمعے کوں پی آئی ڈی دے میڈیا سینٹر اچ میڈیا کوں بریفنگ ڈیندی پی ہن۔انہاں آکھیا جو جنگ اتے جیوگروپ دے مالک میر شکیل الرحمن دی گرفتاری دا میڈیا توں پتہ لگیا،صحافتی برادری توں تعلق رکھنڑ آلے ہک رکن صحافتی برادری دے ڈوکھے رکن دے خلاف درخواست ڈتی اے جئیں تے حکومت دا کوئی اختیار کائنی۔