اقوام متحدہ۔ 3 مارچ (اے پی پی) اقوام متحدہ دے سنٹرل ایمرجنسی رسپانس فنڈ پوری دنیا خاص طور تے او ملک جنہاں دا طبی نظام کمزور اے اتھاں کرونا وائرس کھنڈنڑ توں روکنڑ کیتے ہک کروڑ 50 لکھ امریکی ڈالر دی امداد ڈتی اے۔ اقوام متحدہ دے مطابق عالمی ادارہ صحت اتے یونیسف مذکورہ امداد کوں استعمال اچ گھن آتے مہم چلیسن ۔ اپنڑتے ہک بیان اچ اقوام متحدہ دے انچارج انسانی ہمدردی امور مارک آکھیے جو کرونا وائرس دی وباءکھنڈنڑ توں روکنڑ تے کنڑول کیتے حالی دیر کائنی تھئی ۔انہاں مزید آکھیے جو ایں ویلھے تکھے تے موثر اقدامات اختیار کرنڑ دی ضرورت اے ۔ عالمی ادارہ صحت تشویش دا اظہار کریندے ہوئیں آکھیے جو وائرس انہاں ملکاں اچ پج سگدے جنہاں دا طبی نظام نسبتاً کمزوراے۔ عالمی ادارہ صحت دے ڈائریکٹر جنرل ٹیڈروس ادھانوم گیبریسس فنڈز دا خیرمقدم کییتے ۔ یونیسف دی سربراہ ہنریٹا فال آکھیے جو یونیسف ایں فنڈ توں فائدہ چاتے بال، حاملہ تریمتاں تے خانداناں کوں احتیاطی معلومات ڈیسی ۔
