اللہ دا حکم اے”اپنڑ آپ کوں ہلاکت اچ نہ سٹو“کورونا وائرس توں بچنڑ کیتے حفاظتی تدابیراپنایاں ونجن،وفاقی وزیر مذہبی امور ڈاکٹر نور الحق قادری دی قوم توں اپیل

اسلام آباد ۔ 24 مارچ (اے پی پی)وفاقی وزیر مذہبی امور ڈاکٹر نور الحق قادری آکھیے جو اللہ دا حکم اے جو”اپنڑے آپ کوں ہلاکت اچ نہ سٹو“ایندے کیتے پوری قوم توں اپیل اے جو کورونا وائرس توں بچنڑ کیتے ودھ توں ودھ حفاظتی تدابیراپنایاں ونجن۔ہک ویڈیو سنیہے اچ انہاں آکھیے جو قرآن حکیم اچ اللہ تعالیٰ دا واضح حکم اے جو”اپنڑ آپ کوں ہلاکت اچ نہ سٹو“ساکوں اللہ دے حکم دی تعمیل کرنڑی چاہیدی اے،صرف ضروری کم دے بغیر لوک گھراں توں نکلین جڈاں جو نبی پاکدا فرمان اے ”جو بندہ طاعون دی بیماری اچ گھر راہوے اتے اللہ تعالیٰ توں ایندا اجر منگے اتے اے وی یقین رکھے جو اللہ دے حکم دے بغیر میکوں کوئی ڈکھ نئیں پج سگدا،جیکر او جیندا ریہا تاں شہید ہوسی اتے مر وی گیا تاں وی شہید دا درجہ ہی پیسی۔انہاںا ٓکھیے جو ساکوں اللہ اتے اوندے نبی پاک دے فرمان تے عمل کرنڑا چاہیدے۔