اسلام آباد۔ 8 مارچ (اے پی پی) ایں مالی سال ملک اچ تھیونڑ آلی براہ راست غیر ملکی سرمایہ کاری اچ 65.7 فیصد ودھاراتھئے۔سٹیٹ بینک آف پاکستان (پی بی ایس) موجب جاری مالی سال دے پہلے ست مہینے اچ پاکستان اچ تھیونڑ آلی براہ راست غیر ملکی سرمایہ کاری دے حجم اچ 620 ملین ڈالرودھارا تھئے اتے ایف ڈی آئی دا حجم 1.56 ارب ڈالرتئیں ودھ گئے۔ایویں ہی پچھلے مالی سال دے جولائی تا جنوری 2018-19ءدے مقابلہ اچ ایں مالی سال دے ایں ویلھے اچ ایف ڈی آئی اچ65.7 فیصددا واضح ودھارا ریکارڈ کیتا گئے۔کیلینڈر 2019ءاچ پاکستان دے جاری کھاتیاں دے خسارہ اچ 62 فیصد دی کمی تھئی اے اتے 2019مکنڑ تے جاری کھاتیاں دا خسارہ 7.4 ارب ڈالردی سطح تئیں گھٹ گئے جڈاں جو 2018ءکیتے جاری کھاتیاں دا خسارہ 19.5 ارب ڈالر ریہا ہا۔