تھمپو ۔ 6 مارچ (اے پی پی) بھوٹان اچ کورونا وائرس دا پہلا کیس سامنڑے آگے ۔ فرانسیسی خبر رساں ادارے دے مطابق وزیراعظم لوٹے شیرنگ دے دفتر ولوں فیس بک تے ڈسیا گے جو 76 سالہ امریکی سیاح 2 مارچ کوں بھارت توں بھوٹان پجا جیرھا جو بخار تھیونڑ تے 5 مارچ کوں ہسپتال اچ داخل تھئے جتھاں ایندا کورونا وائرس دا ٹیسٹ کیتا گے جیرھا جو مثبت آئے ۔انہان آکھیے جو غیرملکی شہریاں دے بھوٹان داخلے تے 2 ہفتے دی پابندی لاڈتی گی اے ۔ بھوٹان دے دارالحکومت سمیت 3 علاقیں اچ سکول ڈو ہفتے کیتے بند کرڈتے گن ۔
