تریمتیں کیتے ہر شعبے اچ مساوی مواقع ڈیونڑ دا اھر کرنڑا ہوسی، مخدوم شاہ محمود قریشی

اسلام آباد۔ 8 مارچ (اے پی پی) وزیر خارجہ مخدوم شاہ محمود قریشی حیاتی دے ہر شعبے اچ شاندار خدمتاں تے تریمتیں کوں خراج تحسین پیش کریندے آکھیے جو ملک دی ترقی و خوشحالی کیتے تریمتیں ودھ کردارادا کرینداں پین۔تریمتیں دے عالمی ڈینھ تے اپنڑے سنیہے اچ انہاں آکھیے جو ایں ڈینھ کوں منیندے ہوئے ساکوں تریمتیں کیتے ہر شعبے اچ مساوی مواقع ڈیونڑ دا عزم کرنڑا ہوسی،مختلف شعبیاں اچ تریمتیں دیاں چنگیاں خدمات کوں منڑاں چاہیدے۔شاہ محمود قریشی ہندوستانی مقبوضہ جموں و کشمیر دیاں انہاں تریمتیں کوں وی خصوصی خراج تحسین پیش کیتے جیں بھارتی جارحیت دا ہتھو خالی سامنڑا کریندے ہوئے اپنڑے حق خود ارادیت کیتے جدوجہد جاری رکھی ہوئی اے ۔