حکومت تاجر برادری اتے عوام کوں سہولیات ڈیونڑ کیتے کم کریندی پئی اے،بحرانی دور توں نکلنڑ کیتے کئی معاشی اقدامات کیتے ویندے پین،مشیر خزانہ ڈاکٹر عبدالحفیظ شیخ دی گورنرسندھ اتے تاجر برادری دے وفد نال ویڈیو کانفرنس

اسلام آباد۔ 23 مارچ (اے پی پی) وزیراعظم دے مشیر برائے خزانہ و محصولات ڈاکٹر عبدالحفیظ شیخ آکھیے جو حکومت تاجر برادری اتے عوام کوں سہولیات ڈیونڑ کیتے کم کریندی پئی اے،بحرانی دور توں نکلنڑ کیتے کئی معاشی اقدامات کیتے ویندے پین۔اے گالھ انہاں گورنرسندھ عمران اسماعیل اتے کراچی دی تاجر برادری نال ویڈیو کانفرنس نال اجلاس اچ آکھی ۔تجاراں دے وفد اچ گارمنٹس اتے ٹیکسٹائل سیکٹر، ادویہ سازی، پاکستان سٹاک ایکسچینج اتے ہوٹل انڈسڑی دے نمائندے شامل ہن۔تاجراں مشیر کوں بحرانی دور اچ مسلیاں اتے حکومت دا ہتھ ونڈاونڑ کیتے مختلف تجویزاں ڈتن جو آندے ہک ڈو مہینے اچ ڈیہاڈی دار طبقے دا خاص خیال رکھنڑا ہوسی۔ مشیر خزانہ و محصولات ڈسایا جو حکومت چیلنجز اتے اینجھی صورتحال اچ ترائے شئیں تے توجہ دیندی پئی اے تاں جو کرونا توں بچیا ونج سگے،ایں سانگے عوام کوں صحت عامہ دی سہولیات، مناسب قیمت تے ضروری اشیاءڈیونڑ اتے تاجراں برادری دا ہتھ وندٓونڑ چامل اے تاں جو معیشت تکڑی تھیوے۔