یورپی یونین 30 ڈینھ کیتے یونین دے باہروں سارے مسافراں کیتے اپنڑیاں سرحداں بند کرڈتن ، مصدقہ مریضاں دی تعداد چار لکھ سترہ ہزار توں ودھ گئی اے
لندن ۔ 25 مارچ (اے پی پی) پوری دنیا اچ مہلک کورونا وائرس دے مصدقہ مریضاں دی تعداد چار لکھ 70ہزار توں ودھ جڈاں جو ہلاکتاں دی تعداد ساڈھے 18 ہزار توں ودھ گئی اے ۔ بدھ کوں برطانوی نشریاتی ادارے دے مطابق کورونا وائرس پاروں ساریں توں ودھ ہلاکتاں اٹلی اچ تھئن جتھاں وائرس پاروں 6820 ہلاکتاں دی تصدیق کیتی گئی اے ۔ وائرس دے عالمی کھنڈنڑ کوں روکنڑ دے بعد یورپی یونین 30ڈینھ کیتے یونین دے باہروں سارے مسافراں کیتے اپنڑیاں سرحداں بند کرڈتن ۔ امریکہ اچ وائرس توں متاثرہ لوکاں دی تعداد 53 ہزار توں ودھ گئی اے امریکی انتظامیہ اپنڑے شہریاں کوں باہرلے ملک دا سفر کرنڑ توں روک ڈتے ۔اے اعداد و شمار جان ہاپکنز یونیورسٹی ولوں جاری کیتے گئن ۔ رپورٹ دے مطابق ساریں توں ودھ 6,820 ہلاکتاں اٹلی اچ تھئن جڈاں جو چین اچ 3,160، سپین اچ 2,808، ایران اچ 1,934، فرانس اچ 1,100، برطانیہ اچ 422، ہالینڈ اچ 276، جرمنی اچ 157 جڈاں جو نیویارک اچ ہنڑ تئیں 131 لوک ایں وبا پاروں ہلاک تھئن ۔
