سرائیکی وسیب سمیت پوری دنیا اچ”سرائیکی اجرک “دا ڈینھ صبحائیں منایا ویسی

اسلام آباد ۔ 5 مارچ (اے پی پی سرائیکی سروس) وفاقی دار الحکومت اسلام آباد ،ملتان ،ڈیرہ غازی خان ،بہاول پور ،رحیم یار خان ،کراچی سمیت پورے سرائیکی وسیب اچ ”سرائیکی اجرک “ دا ڈینھ جوش و خروش نال منایا ویسی ۔اے ڈینھ مناونڑ دا مقصد سرائیکی قوم کوں عالمی سطح تے اجاگر کرنڑ دے نال نال محبت دا پیغام ڈیونڑ اے۔ سندھی ،بلوچی ،پشتون ،ثقافت وانگوں سرائیکی کلچر دا ڈینھ ہر سال 6مارچ کوں پورے جوش تے جذبے دے نال منایا ویندے ۔ایں ڈینھ پورے سرائیکی وسیب اچ مختلف تقریباں تھیسن،ریلیاں کڈھیاں ویسن، جیں اچ جھمر دا خاص طور تے اہتمام کیتا ویندے ۔ایندے علاوہ سرائیکی اجرک تحفے اچ پوائی ویندی اے ، مٹھائی ونڈی ویندی اے،سرائیکی وسیب دے لوک اے تہوار منا تے خوشی دا اظہارکریندن۔