شاہ محمود قریشی داکورونا وباءبارے وزارت خارجہ اچ قائم ”کرائسز مینجمنٹ سیل“ دا دورہ

اسلام آباد ۔ 24 مارچ (اے پی پی)وزیر خارجہ شاہ محمود قریشی کورونا عالمی وباءبارے وزارت خارجہ اچ قائم ”کرائسز مینجمنٹ سیل“ دا دورہ کیتے۔انہاں سیل دی مختلف شعبے ڈٹھن اتے انتظامات تے اطمینان کیتے۔اے کرائسز مینجمنٹ سیل کورونا انفیکشن کوں عالمی وباءقرارڈیونڑ توں بعد ہنگامی طورتے بنڑایا گئے۔وزیر خارجہ ہدایت کیتی جو پورے جگ اچ پاکستانی سفارتخاناں اچ نامزد فوکل پرسنز نال مستقل رابطے نال معلومات دی ویلھے سر شیئرنگ یقینی بنڑائی ونجے ۔کورونا پاروں پاکستانی سفارتخاناں کوں جگ اچ راہنڑ آلے پاکستانیاں نال رابطے ودھائے ونجن،بیرون ملک پاکستانیاں دے اوکھ، انہاں دے مسلیاں دے حل کیتے اقدامات بارے ہر ویلھے آگاہ رکھیا ونجے۔کرائسز مینجمنٹ سیل ایں بحران اچ چوی گھنٹے چلدا راہسی۔