اسلام آباد ۔ 13 مارچ (اے پی پی) صدر مملکت ڈاکٹر عارف علوی آکھیے جو پاکستان قطرنال برادرانہ ڈو پاسے تعلقات کوں مضبوط سیاسی تے معاشی شراکت دار اچ بدالنڑ کیتے پرعزم اے ، قطر پاکستان اچ سرمایہ کاری دے ابھردے ہوئے موقعیں توں فائدہ چا سگدے ۔ ایوان صدر توں جاری بیان دے مطابق صدر مملکت اے گال قطر دے سبکدوش تھیونڑ آلے سفیر صقر بن مبارک المنصوری نال گال مہاڑ کریندے ہوئیں آکھی اے جنہاں جمعے کوں اتھاں انہاں نال الوداعی ملاقات کیتی ۔ صدر مملکت آکھیے جو پاکستان قطر نال برادرانہ ڈو پاسے تعلقات کوں ہک مضبوط سیاسی تے معاشی شراکت داری اچ بدالنڑ کیتے پرعزم اے ، کراچی اتے حمد بندرگاہیں دے درمیان براہ راست رابطے تے پاکستان کیتے قطری فوڈ مارکیٹ تئیں رسائی دے بعد سانجھی تجارت اچ نمایاں بہتری آئی اے ۔
