اسلام آباد ۔ 25 مارچ (اے پی پی) وفاقی وزیر سائنس و ٹیکنالوجی فواد حسین چوہدری آکھیے جو ضلع جہلم اچ مزید 14 لوکاں دے کورونا وائرس توں متاثر تھیونڑ دی تصدیق دے بعد ایں حوالے نال مسلیں دے حل کیتے یونین کونسل دی سطح تے کمیٹیاں بنڑائیاں گن ۔بدھ کوں اپنڑے ٹویٹ اچ انہاں آکھیے جو کورونا وائرس دے کھنڈنڑ کوں روکنڑ کیتے اقدامات توں متاثرہ طبقے دیاں ضرورتاں تے مسلیں دے پیش نظر وختی اقدامات کیتے ویسن ۔انہاں آکھیے جو متاثرین دیاں ضرورتاں دے پیش نظر راشن تے بیاں چیزاں دیاں فہرستاں تیار کرنڑ دا عمل شروع کرڈتا گے ۔ انہاں آکھیے جو جہلم اچ کرونا دے مزید 14 کیس دی تصدیق تھئی اے ۔ وفاقی وزیر آکھیے جو کرونا وائرس توں متاثرہ ودھ سارے مریض باہرلے ملکاں توں آئن یا انہاں دے نیڑے دے عزیز ہن ۔انہاں آکھیے جو اساں باہرلے ملک توں واپس آونڑ آلے لوکاں توں کئی واری درخواست کیتی اے جو او 14 ڈینھ قرنطینہ اچ رہن تے بئے لوکاں نال ملاقات نہ کرن او خود وی تے انہاں دے رشتے دار وائرس توں محفوظ رہن ۔
