علماءکرام لوکاں کوں گھر اچ رہنڑ ،گھر اچ نماز پڑھنڑ متعلق مشورہ تے آگاہی ڈیون ،صدر مملکت ڈاکٹر عارف علوی

اسلام آباد ۔ 26 مارچ (اے پی پی)صدر مملکت ڈاکٹر عارف علوی علماءکرام تے زور ڈتے جو او لوکاں کوں گھر اچ رہنڑ تے گھر اچ نماز پڑھنڑ متعلق مشورہ تے آگاہی ڈیون جیں نال بیماری کنٹرول کرنڑ اچ مدد ملسی ، موجودہ بحران دا ہکو حل سماجی فاصلے کوں برقرار رکھنڑ تے ایجھی صورت حال نال نبڑنڑ کیتے اسلام ولوں ڈتے گئے رہنما اصولاں تے عمل کرنڑاں اے ۔ اے گال انہاں خمیس کوں مختلف مکاتب فکر دے علماءکرام اتے گورنرز نال ویڈیو کانفرنس اچ آکھی اے ۔ مشاورتی اجلاس دے دوران صدر مملکت علماءکرام توں کورونا وبائی مرض نال پیدا تھیونڑ آلی صورت حال تے مہاڑ کیتی تے عوام اچ مرض متعلق آگاہی ڈیونڑ کیتے انہاں توں تعاون دی گزارش کیتی ۔ انہاں علماءکرام تے زور ڈتے جو او لوکاں کوں گھر دے اندر رہنڑ گھر اچ نماز پڑھنڑ متعلق مشورہ اتے آگاہی ڈیون جیں نال بیماری دے کھنڈنڑ تے قابو پاونڑ اچ مدد مل ویسی ۔ صدر مملکت انہاں احتیاطی تدابیر تے روشنی پاتی جیرھی جو لوکاں اچ بیماری دے کھنڈنڑ کوں روکنڑ دی ضرورت اے ۔انہاں ایں گالتے زور ڈتے جو موجودہ بحران دا ہکو حل سماجی فاصلے کوں برقرار رکھنڑ تے ایجھی صورت حال اچ نبڑنڑ کیتے اسلام ولوں ڈتے گئے رہنما اصولاں تے عمل کرنڑ اے ۔ صدر علماءکرام دے اتحاد خصوصاً انہاں دے کراچی اچ جاری کیتے گے متفقہ اعلامیہ دی تعریف کیتی جیں اچ کورونا وائرس دے خلاف احتیاطی اقدامات اپناونڑ تے زور ڈتا گیا ۔ علماءکرام صدر مملکت کوں حمایت دا یقین ڈیوائے تے آکھیے جو او حکومت ولوں ڈتی گئی ہدایات تے عمل کریسن