علمائے کرام کورونا وائرس بارے عوامی آگاہی اتے احتیاطی تدابیر سانگے اپنڑا کردارادا کرن، صدر مملکت ڈاکٹر عارف علوی دی وفاقی وزیر برائے مذہبی امور و بین المذاہب ہم آہنگی پیر نور الحق قادری اتے چیئرمین اسلامی نظریاتی کونسل ڈاکٹر قبلہ ایازنال گالھ مہاڑ

اسلام آباد ۔ 24 مارچ (اے پی پی) صدر مملکت ڈاکٹر عارف علوی آکھیے جو علمائے کرام کورونا وائرس بارے عوامی آگاہی اتے احتیاطی تدابیر سانگے اپنڑا کردارادا کرن،ایں بحران دا ہکو حل احتیاط اتے صفائی اے۔اے گالھ صدرمملکت ایوان سدر اچ وفاقی وزیر برائے مذہبی امور و بین المذاہب ہم آہنگی پیر نور الحق قادری اتے چیئرمین اسلامی نظریاتی کونسل ڈاکٹر قبلہ ایاز نال ملنڑ ویلھے آکھی جو علمائے کرام کوں کورونا وائرس بارے لوکاں کوں ڈساونڑ اتے احتیاطی تدابیر اپناونڑکیتے اپنڑا کرداراداکرن۔انہاں آکھیے جو ایں بحران نال نبڑن دا ہکو حل احتیاط اے۔صدر مملکت ہر شہری دے سماجی فاصلے اتے صفائی داخیال رکھنڑ تے زور ڈتے۔