اسلام آباد ۔ 17 مارچ (اے پی پی) وزیر مملکت پارلیمانی امور علی محمد خان آکھیے جو پاکستان سمیت پوری دنیا دے سارے مذہبی رہنما تے سکالرز کورونا وائرس کھنڈنڑ کوں روکنڑ تے قابو پاونڑ دے حوالے نال آگاہی پیدا کرنڑ کیتے اپنڑاں کردار ادا کرن ۔ریڈیو پاکستان دے کرنٹ افیئر دے پروگرام اچ گال مہاڑ کریندے ہوئیں انہاں آکھیے جو حکومت اپنڑے شہریاں کوں کورونا وائرس توں متاثر تھیونڑ توں روکنڑ کیتے سنجیدگی نال ہنگامی اقدامات کریندی پئی اے تے نال ہی انہاں کوں اپنڑے دین توں رہنمائی حاصل کرنڑ دا وی اکھیندی پئی اے تاں جو ایندے تے قابو پاتا ونج سگے تے لوکاں کوں موت دے منہ اچ ونجنڑ توں بچایا ونج سگے ۔انہاں آکھیے جو سارے شہری احتیاطی تدبیتر اختیار کرن کیوں جو احتیاط علاج توں ہمیشہ بہتر اے ۔انہاں شہریاں توں درخواست کیتی اے جو او منفی طاقتاں دے ذریعے کھنڈائی ونجنڑ آلیاں افواہیں تے توجہ نہ ڈیون تے سوشل میڈیا تے وائرس متعلق نقلی معلومات دی حوصلہ شکنی کرنڑ اچ حکومت دی مدد کرن کیوں جو ایندے نال شہریاں اچ ڈر کھنڈ سگدے ۔انہاں مزید آکھیے جوکورونا وائرس ہک عالمی چیلنج اے اتے حکومت پوری ذمے واری تے احتیاط نال صورت حال کوں نبیڑنڑ کیتے پرعزم اے ۔علی محمد آکھیے جو وزیراعظم عمران خان پورے ملک اچ صحت دے مراکز اچ صحت دیاں سہولتاں ڈیونڑ کیتے فکر مند ہن اساکوں امید اے جو آندے ڈینھاں اچ ایں چیلنج تے قابو پا گھنسوں ۔
