اسلام آباد ۔ 24 مارچ (اے پی پی)وزیراعظم دے معاون خصوصی ڈاکٹر ظفر مرزاامید کیتی اے جو سخت اقدامات دے بعد کورونا وائرس تے قابو پاگھنسوں،ایں ویلھے ملک اچ 24 گھنٹے اچ کورونا دے بئے 89کیسزسامنڑے آئن اتے متاثرہ افراددی تعداد 892تھی گئی اے۔اے گالھ انہاں میڈیا بریفنگ اچ آکھی۔انہاں زور ڈتے جو لوک بغیر ضرورت گھر توں نہ نکلن،صورتحال دے نال نال حکومتی حکمت عملی وی بدلسی،صوبائی حکومتاں وی وڈے سخت فیصلے کرینداں پین تاں جو کرونا تے قابو پاتا ونجے اتے لوک محفوط راہون۔ڈاکٹر ظفر مرزاآکھیے جو پچھلے چوی گھنٹے اچ بئے 89 کیسزدی تصدیق تھئی اے،مجموعی تعداد892تھی گئی اے،کل 6 مریض صحت یاب تھین جیندے اچوں 635 مریض ہسپتالاں اچ داخل جڈاں جو 5 دی حالت تشویشناک اے۔ انہاں آکھیے جو کورونا وائرس دی صورتحال سانگے معاشی تحفظ سانگے پیکج دا اعلان کیتا ویسی۔ایں سانگے ڈاکٹرز اتے طبی عملے کیتے ہک ٹریننگ پروگرام کرایا ویسی۔
