وزیراعظم دے مشیرخزانہ ڈاکٹرعبدالحفیظ شیخ دی زیرصدارت کابینہ دی اقتصادی رابطہ کمیٹی دا اجلاس

اسلام آباد ۔ 26 مارچ (اے پی پی) کابینہ دی اقتصادی رابطہ کمیٹی (ای سی سی) کرونا وائرس نال نبڑنڑ کیتے این ڈی ایم اے کیتے 5 ارب روپے اتے فاٹا اچ ہک جاہ توں بئی جاہ ونجنڑ آلے لوکاں دی ہنگامی بحالی کیتے نادراکوں 8 کروڑ43 لکھ 52 ہزار265 روپے دی تکنیکی ضمنی گرانٹس دی منظوری ڈتی اے ، ای سی سی کرونا وائرس دی وباءتے رمضان المبارک دے تناظر اچ کراچی دے شہریاں کوں ریلیف ڈیونڑ دے ضمن اچ ٹیرف ترائے مہینے بعد نوٹیفائی کرنڑ تے ایندے نال نال وزارت خزانہ اتے پاورڈویژن کوں پیشگی زرتلافی دی مد اچ کے الیکٹرک کوں 26 ارب روپے ڈیونڑ اچ سہولتاں ڈیونڑ دی ہدایت کیتی ۔کابینہ دی اقتصادی رابطہ کمیٹی دا اجلاس خمیس کوں وزیراعظم دے مشیربرائے خزانہ ومحصولات ڈاکٹرعبدالحفیظ شیخ دی صدارت اچ منعقد تھیا ۔