ڈیرہ غازی خان ۔ 18 مارچ (اے پی پی) وزیراعظم عمران خان بدھ کوں دیرہ غازیخان دا دورہ کیتے جتھاں اونویںبنڑائے گئے کورونا بارے سینٹرل کمانڈ روم گین۔انہاں کوں کمانڈروم اچ زائرین دے آونڑ،لوکاں دی سکریننگ،انہاں دے رہانڑ اتے کھاونڑ پیونڑ سودھا بئے اقدامات تے تفصیلی بریفنگ ڈتی گئی۔وزیراعظم آفس موجب ڈسایا گئے جو وزیراعظم عمران خان ڈی جی خان اچ قرنطینہ مرکزدادورہ کیتے اتے اتھاں زائرین توں انہاں دی خیر خیریت پچھی۔زائرین وزیراعظم کوں ڈیکھ تے بہوں خوش تھین اتے سنٹر اچ موجود سہولتاں تے اطمینان ڈسائے۔وزیراعظم دے نال وزیراعلیٰ پنجاب سردارعثمان خان بزدار، وزیراعظم دے معاون خصوصی برائے صحت ڈاکٹر ظفر مرزا، چیئرمین این ڈی ایم اے، وزیراعظم دے معاون خصوصی معید یوسف اتے شہباز گل وی موجود ہن۔
