اسلام آباد ۔ 26 مارچ (اے پی پی)وفاقی وزیرترقی و اصلاحات و خصوصی اقدامات اسد عمر آکھیے جواج وزیراعظم دی زیر صدارت قومی سلامتی کمیٹی دا پنجواں اجلاس ہئی ۔ اجلاس اچ فیصلہ کیتا گئے جو عالمی بحران دا مقابلہ کرنڑ کیتے مربوط حکمت عملی بنڑائی ویسی۔ اج کل دے حالات اچ اگر کوئی ذخیرہ اندوزی کریندا پئے تاں او ملک تے اللہ دا مجرم اے ۔ پریس کانفرنس نال خطاب کریندے ہوئیں وفاقی وزیر اسد عمر آکھیے جو وزیراعظم عمران خان کل یا پرسوں ڈو وڈے اعلان کریسن ۔ رضا کاراں تے مالی مدد متعلق ہک ڈو ڈینھ اچ وزیراعظم اعلان کریسن ۔انہاں آکھیے جو صوبیں توں درخواست کیتی گئی اے جو او اپنڑی ریلیز ودھاون ۔ملک اچ اٹے دی کوئی کمی کائنی 17 لکھ ٹن اٹا موجود اے ،کورونا وائرس دی موجودہ صورتحال اچ ہیلتھ ورکرز اساڈے مجاہد ہن ہیلتھ کیئر داعملہ ، ڈاکٹرز نرساں کورونا دے خلاف جنگ اچ ہراول دستہ ہن۔ کورونا وائرس دے کھنڈنڑ کوں گھٹ کرنڑ دی پوری کوشش کیتی ویندی پئی اے ،حکمت عملی نال کم کریندے پیوں تاں جو کورونا دے گھٹ اثرات تھیون ۔
