کورونا وائرس دی وباءنال موثر موثر انداز نال نبڑنڑ کیتے علاقائی سطح تے مشترکہ حکمت عملی اپناونڑ دی ضرورت اے، پاکستان ”سارک وزراءصحت ویڈیو کانفرنس“ دا انعقاد چاہندے
اسلام آباد ۔ 26 مارچ (اے پی پی) وزیر خارجہ شاہ محمود قریشی آکھیے جوکورونا وائرس دی وباءنال موثر موثر انداز نال نبڑنڑ کیتے علاقائی سطح تے مشترکہ حکمت عملی اپناونڑ دی ضرورت اے۔ وزیر خارجہ خمیس کوں بھوٹان دے اپنڑے ہم منصب ڈاکٹر ٹانڈی ڈورجی نال ٹیلی فون تے رابطہ کیتے ۔ ترجمان دفتر خارجہ دے مطابق شاہ محمود قریشی آکھیے جو پاکستان کورونا وباءدے معاملے تے جامع مشاورت کیتے سارک سارک وزراءصحت ویڈیو کانفرنس منعقد کرنڑ چاہندے۔ انہاں آکھیے جو پاکستان کورونا وائرس دے عالمی چیلنج دا سامنڑاں کریندے ہوئیں اوکھے معاشی حالات پاروں ترقی پذیر ملکاں دے قرضیں دی ری سٹرکچرنگ دی تجویز ڈتی اے ۔ ڈوہیں وزراءخارجہ وچال کورونا وائرس دے کھنڈنڑ کوں روکنڑ تے ایں عالمی چیلنج نال نبڑنڑ دے حوالے نال مختلف پہلواں تے تفصیلی گال مہاڑ کیتی ۔ وزیر خارجہ شاہ محمود قریشی عالمی چیلنج نال نبڑنڑ کیتے بھوٹان ولوں وختی اقدامات دی تعریف کیتی ۔انہاں بھوٹان دے وزیر خارجہ کوں پاکستان ولوں چاتے گے اقدامات دا ڈسایا ۔انہاں آکھیے جو پاکستان علاقائی تعاون دے ودھارے کیتے سارک کوں اہم پلیٹ فارم سمجھدے ، کورونا وائرس نال موثر انداز اچ نبڑنڑ کیتے اساکوں سانجھی حکمت عملی اپناونڑیں پوسی ۔
