اسلام آباد ۔ 19 مارچ (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو اساکوں قومی جذبے، اتحادواخوت نال ہک ڈوجھے دا احساس کرنڑے تے خیال رکھنڑاں اے ، سلام پیش کریندوں انہاں ڈاکٹرز،نرساں تے طبی عملے کوں جیرھے ایں جذبے نال خدمت دی عظیم مثال بنڑدے پن ،حکومت کوں آپ دیاں ذمے واریاں دا پتہ اے وفاقی و صوبائی حکومتاں تے سارے متعقلہ ادارے ڈٹ تے کم کریندے پن ۔خمیس کوں معاون خصوصی ڈاکٹر فردوس عاشق اعوان اپنڑے ٹویٹ اچ آکھیے جو ہر بندے دی ذمے واری اے جو احتیاطی تدابیر تے نہ صرف خود عمل کرے بلکہ آپنڑے نیڑے لوکاں دی وی خیال رکھے ،اساں کورونا دی وباء نال قومی عزم دے نال لڑناں اے ، حوصلے تے دانشمندی نال احتیاطی تدابیر تے عمل پیرا رہنڑاں اے ۔ انہاں آکھیے جو جتھاں لوکاں داکٹھ ہووے اتھاں نہ ونجو،ہتھ نہ ملاﺅ تے ولا ولا دھوو ،چین دی عوام جیں مثالی ڈسپلن دا ایندا مقابلہ کیتے ایندے توں سبق ملدے جو اجتماعی سطح تے کوششاں کرنڑ نال ایں وائرس تے قابو پاتا ونج سگدے ۔
