اسلام آباد ۔ 24 مارچ (اے پی پی)وزیراعظم عمران خان کورونا وائرس دے اثرات سانگے معاشی پیکیج دا اعلان کریندے آکھیے جوساکوں وڈا خطرہ کورونا توں نئیں ایندے ڈر توں غلط فیصلے تھیونڑ توں اے،ملک اچ کرفیو نسے لا سگدے ، کرفیو لاک داون دا چھیکڑی حل اے،جیڑھا وی فیصلہ تھیسی او ملک و قوم دی مفاد کیتے پوری صلاح توں بعد کیتا ویسی تاں جو ایندے مثبت اثرات آون، افراتفری دی بجائے دور رس اتے دانشمندانہ فیصلے کرنڑے ہوسن،جیکر صورتحال بدلی تاں ساڈی حکمت عملی وی بدل ویسی،میڈیا ورکرز کیتے وی خصوصی پیکیج تیار کرنڑ دی ہدایت کیتی اے۔اے گالھ انہاںاسلام آباد اچ سینئر صحافیاں نال ہک ملاقات اچ آکھی۔ایں موقع تے وفاقی وزیر برائے تحفظ خوراک و تحقیق خسرو بختیار، وزیراعظم دے مشیر برائے خزانہ عبدالحفیظ شیخ، وزیراعظم دی معاون خصوصی ڈاکٹر فردوس عاشق اعوان ،معاون خصوصی صحت ڈاکٹر ظفر مرزا، وزیراعظم دے معاون خصوصی برائے پٹرولیم ندیم بابر اتے این ڈی ایم اے دے چیئرمین لیفٹیننٹ جنرل محمد افضل وی موجودہن۔وزیراعظم آکھیے جو پاکستان چین توں بعد سب توں پہلے ویلھے سر ہنگامی اقدامات کیتن تاں جو کرونا کوں کھنڈنڑ توں بچیا ونج سگے ،چین نال مسلسل رابطے پاروں اے وبا چین توں نئیں آئی بھل ایران توں آونڑ آلے زائرین ایندی وجہ بنڑین ایندے باوجود اساں چنگے طریقے نال ایکوں قابو اچ کرنڑ کیتے ودھ توں ودھ اقدامات کریندے پئے ہیں اتے سارے صوبیاں نال رابطے اچ ہیں۔انہاں آکھیے جو ملک اچ کرفیو نسے لا سگدے ، ایندے نال غریب ودھ متاثر تھیسی،کرفیو لاک داون دا چھیکڑی حل اے،اساں پورے اختیار اتے ذمہ د اری نال صورتحال دا جائزہ گھندے پئے ہیں،جیڑھا وی فیصؒہ تھیسی او ملک و قوم دی مفاد کیتے پوری صلاح توں بعد کیتا ویسی تاں جو ایندے مثبت اثرات آون۔وزیراعظم آکھیے جو چین توں پاکستانی طلباءدی واپسی دا فیصلہ جذبات دی بجائے ملکی مفاد اچ کیتے جیڑھا وقت چنگاں ثابت کیتے،ساکوں افراتفری دی بجائے دور رس اتے دانشمندانہ فیصلے کرنڑے ہوسن،سارے اداریاں سودھا پوری قوم کوں ایں وبا نال لڑنے،ڈاکٹرز اتے طبی عملہ کورونا وباءنال لڑن دا ہراول دستہ ہین،کرونا دے خلاف جنگ حکومت کلہی نئیں لڑسگدی،ایندے کیتے پورے معاشرے کوں کرداراداکرنڑا چاہیدے جیکر صورتحال بدلی تاں ساڈی حکمت عملی وی بدل ویسی،میڈیا اتے علما کورونا دے خالف آگاہی کیتے کردارادا کرن۔ساکوں ہک قوم بنڑ تے چیلنج دا مقابلہ کرنڑے۔
