پیرس ۔ 3 مارچ (اے پی پی) پوری دنیا دے ملکاں کورونا وائرس کوں روکنڑ کیتے اپنڑے شہریاں کوں ملاقات کریندےں احتیاط کرنڑ کیتے ہتھ نہ ملاونڑ ،بھاکل نہ پاونڑ دی ہدایت کیتی اے۔ فرانسیسی خبر رساں ادارے دے مطابق کورونا وائرس پاروں دنیا اچ 3000 ہلاکتاں تھی چکن جیں تے چین اپنڑے شہریاں کوں ہدایت کیتی اے جو او ہتھ ملاونڑ تے بھاکل پاونڑ دی بجائے اپنڑے ڈوہیں ہتھ اتے چاون ۔او روایتی طریقے نال اپنڑی مٹھی کوں ڈوجھے دی ہتھ تے مار تے ڈوجھے بندے کوں ہیلو آکھ سگدن ۔ فرانس دے ماہرین اپنڑے شہریاں کوں ہدایت کیتی اے جو او کم کرنڑ دی جاہ تے ڈوجھے لوکاں نال ملنڑ کیتے صرف ہک ڈوجھے دیاں اکھیں ڈیکھ سگدن ۔لوک ملاقات دے موقع تے ہک ڈوجھے دی چمی نہ ڈیون ۔ برازیل دی وزارت صحت اپنڑے شہریاں کوں ہدایت کیتی اے جو او ہک ڈوجھے دیاں کھاونڑ دیاں چیزاں استعمال نہ کرن ۔ جرمنی دے وزیر داخلہ سنوار کوں جرمن چانسلر انجیلا میرکل دے ملاقات اچ ہتھ ملاونڑ دی بجائے اپنڑے ڈوہیں ہتھاں کوں رلا تے خوش دا اظہار کیتے جیں دے بعد جرمن چانسلر ہوا اچ ہتھ ہلائے۔ نیوزی لینڈ دے کجھ تعلیمی اداریں اچ ہوںگی دے ناں نال سنجانڑی ونجنڑ آلی ماﺅری روایت کوں ترک کرڈتے جیں اچ 2 بندے ملاقات کریندے اپنڑی نک ہک ڈوجھے نال رلیندے ہن لیکن ماﺅری گاونڑ آکھ تے ہک ڈوجھے کوں خوش آمدید اکھیندن ۔ متحدہ عرب امارات اتے قطر اپنڑے شہریاں کوں نک نال نک رلاونڑ دی روایت تے چمی نہ ڈیونڑ دی ہدایت کریندے ہوئیں آکھیے جو صرف ہتھ ہلا تے ملاقات کرن ۔ ایران دے شہری کورونا وائرس روکنڑ کیتے ہتھ ملاونڑ تے گل لگنڑ دی بجائے ہک ڈوجھے نال پیر نال پیر رلا تے خوشی دا اظہار کریندے پن ۔
