نیویارک/روم/میڈرڈ ۔ 31 مارچ (اے پی پی)پورے جگ اچ کرونا وائرس نال مرنڑ آلیاں دی تعداد ودھ تے 37ہزار815 تھی گئی اے جڈاں جو اٹلی اتے سپین اچ ایندیاں تباہ کاریاں ودھدیاں ویندن۔اٹلی اچ ایں وبا نال ہنڑ تئیں 11591 لوک مر چکین۔سپین اچ 7716 ،امریکا اچ 31،برطانیہ اچ 1408لوک موئن۔پچھلے چوی گھنٹے اچ گھٹو گھٹ 17سو ہلاکتاں تھین اتے پورے جگ اچ کورونادے مریضاں دی تعداد ساڈھے ست لکھ توں وی ودھ گئی اے۔سعودی عرب اچ وی نویں مریض سامنڑے آونڑ تے مکہ دے کئی علاقیاںدی ناکہ بندی کر ڈتی گئی اے۔جگ اچ ہنڑ تئیں ڈیڈھ لکھ توںو دھ لوک صحتیاب تھی چکین۔آسٹریلیا اچ صورتحال چنگی تھیونڑ لگ گئی اے اتے مریض گھٹدے پین۔جاپان کرونا پاروں 73 ممالک دے شہریاں دےا ٓونڑ تے پابندی لا ڈتی اے۔
