پیپلز پارٹی دے بانی رہنما ڈاکٹر مبشر حسن فوت تھی گین،لہور اچ سپرد خاک

لاہور4 مارچ (اے پی پی)پاکستان پیپلز پارٹی (پی پی پی)دے بانی رہنما ڈاکٹر مبشر حسن بیماری توں بعد لہور اچ فوت تھی گین۔انہاں دی عمر 98 سال ہئی۔ڈاکٹر مبشر حسن دی نماز جنازہ چھنڑ چھنڑ دی شام 5وجے لاہور اچ پڑھائی گئی ۔پیپلزپارٹی دے بانی رکن ڈاکٹر مبشر حسن دی فوتگی تے پی پی پی پنجاب دی قیادت پرچاونڑی ڈتی اے اتے انہاں دیاں سیاسی خدمات کوں خراج عقیدت پیش کیتے۔ڈاکٹر مبشر حسن پاکستان دے وزیرِ خزانہ اتے مشیر برائے سائنس و ٹیکنالوجی وی رہ چکین۔او کئی کتاباں دے مصنف اتے پاک-بھارت تعلقات اچ چنگائی دے حامی ہن۔مرحوم ڈاکٹر مبشر حسن پیپلز پارٹی دے بانی ذوالفقار علی بھٹو دی وی چنگے سنگتی ہن۔