پی ایس ایل اچ ملتان سلطانز چھا گین،اسلام آباد یونائیٹڈ کوں 9 وکٹاں توں ہرا ڈتے

APP15-08 RAWALPINDI: March 08 – Multan Sultan bowler Imran celebrates after the dismissal of Islamabad United batsman Shadab Khan during Pakistan Super League (PSL) at Pindi Cricket Stadium. . APP photo by Abid Zia

راولپنڈی۔ 8 مارچ (اے پی پی)پی ایس ایل اچ ملتان سلطانز چھا گین اتے ایونٹ دے 22ویں میچ اچ اسلام آباد یونائیٹڈ کوں 9 وکٹاں توں ہرا ڈتے۔ملتان سلطانز 92 رنز دا ہدف 14 گینداں پہلے ہی صرف ہک وکٹ تے پورا کیتے۔بارش پاروں ڈوہاں ٹیماں دا میچ صرف 9 اوورزدا کر دتا گیا ہا۔ملتان سلطانز دے کپتان شان مسعود ٹاس جیت تے پہلے فیلڈنگ دا فیصلہ کیتے تاں اسلام آباد یونائیٹڈ دے اوپنر کولن منرو دے علاوہ کوئی وی بلے بازوکٹ تے نئیں کھڑ سگیا اتے پہلے ترائے بلے بازاں توں علاوہ اسلام آباد یونائیٹڈ دا کوئی بلے باز ڈبل فگرنئیں پورا کرسگیااتے پوری ٹیم مقررہ 9 اوورزاچ 7وکٹاں تے 91 رنزبنڑا سگی۔ولدے اچ ملتان سلطانز دے اوپنر جیمز ونس جارحانہ بیٹنگ کریندے صرف 20 گینداں تے ففٹی ماری اتے ذیشان اشرف نال رل تے 68رنز دی ابتدائی شراکت جوڑی۔ذیشان اشرف16رنز تے آوٹ تھین۔بعد اچ معین علی جیمز ونس نال رل تے باقی 26 رنزبنڑائن اتے ٹیم کوں جتوائے۔ملتان سلطانز دے جیمز ونس کوں مین آف دی میچ قرارڈتا گئے۔ملتان سلطانز دی ٹیم 11 پوائنٹس نال پوائنٹس ٹیبل تے پہلی جاہ تے آ گئی اے۔