چیئرمین اکادمی ادبیات ڈاکٹرمحمد یوسف خشک دا سرائیکی دے معروف ادیب و دانشور ظفر لاشاری دے انتقال تے ڈکھ دا اظہار

اسلام آباد ۔ 17 مارچ (اے پی پی) اکادمی ادبیات پاکستان دے چیئرمین ڈاکٹرمحمد یوسف خشک سرائیکی زبان دے معروف ادیب اتے دانشور ظفر لاشاری دے انتقال تےے ودھ سارے ڈکھ دا اظہار کیتے ۔انہاں آکھیے جو ظفر لاشاری سرائیکی ناول دے بنیاد گذاروں اچوں ہن ، انہاں اپنڑی تصنیفات نال سرائیکی زبان و ادب کوں ثروت مند بنڑائے۔ انہاں دی تصنیفات نازو، پہاج، تتیاں چھاواں،خواجہ فریددے تعلیمی نظریات تے جانباز جتوئی اتے حیاتی تے فن سرائیکی زبان و ادب دا قیمتی اثاثہ اے۔ چیئرمین اکادمی ادبیات مرحوم کیتے مغفرت دی دعا کریندے ہوئیں پسماندگان کیتے صبر دی دعا کیتی ۔