لاہور۔17مارچ(اے پی پی ) چیف جسٹس لاہور ہائیکورٹ جسٹس مامون رشید شیخ اج بدھ کوں اپنڑے عہدے توں ریٹائرڈ تھی ویسن ۔انہاں دی ریٹائرمنٹ تے انہاں دے اعزاز اچ لاہور ہائیکورٹ اچ ڈینھ 11وجے فل کورٹ ریفرنس تھیسی جیں اچ عدالت عالیہ دے ججز، لاہور ہائیکورٹ بار ایسوسی ایشن دے صدر اتے ایڈووکیٹ جنرل پنجاب شرکت اتے انہاں دی خدمات تے ریفرنس پیش کریسن ۔ جسٹس مامون رشید شیخ 19فروری 2010ء کوں لاہور ہائیکورٹ دے ایڈہاک جج تعینات تھئے ہن جڈاں جو اج او عدالت عالیہ دے 49 ویں چیف جسٹس دی حیثیت نال ریٹائر تھی ویسن، نویں نامزد چیف جسٹس لاہور ہائیکورٹ مسٹر جسٹس قاسم خان کل (خمیس) سویلے 9 وجے گورنر ہاوس لاہور اچ اپنڑے عہدے دا حلف چیسن ، گورنر پنجاب چوہدری محمد سرور انہاں توں حلف گھنسن ۔چیف جسٹس مامون رشید شیخ دی ریٹائرمنٹ دے بعد لاہور ہائیکورٹ اچ جج دیاں 19 آسامیاں خالی تھی ویسن ،لاہور ہائیکورٹ دے ججاں دیاں منظور شدہ آسامیاں دی کل تعداد 60 اے۔ لاہور ہائیکورٹ دے سےنئر ترین جج مسٹر جسٹس قاسم خان دے بحثیت 50 ویں چیف جسٹس لاہور ہائیکورٹ منصب سنبھالنڑ دے بعد لاہور ہائیکورٹ دے جسٹس امیر محمد بھٹی سینئر ترین جج بنڑ ویسن ۔
