لاہور۔19 مارچ(اے پی پی )چیف جسٹس لاہور ہائی کورٹ مسٹر جسٹس محمد قاسم خان اپنڑے عہدے دا حلف چا گھدے ۔حلف برداری دی تقریب خمیس کوں گورنر ہاوس لاہور اچ منعقد تھئی ،گورنر پنجاب چوہدری محمد سرور جسٹس قاسم خان توں انہاں دے عہدے دا حلف گھدا ، جسٹس محمد قاسم خان لاہور ہائی کورٹ دے 50ویں چیف جسٹس ہن، حلف برداری دی تقریب اچ وزیراعلیٰ پنجاب سردار محمد عثمان بزدار خصوصی شرکت کیتی، ایں موقع تے لاہور ہائی کورٹ دے جسٹس محمد امیر بھٹی، جسٹس شہزاد احمد، جسٹس شجاعت علی خان، جسٹس عائشہ اے ملک، جسٹس شاہد وحید اتے جسٹس علی باقر نجفی سمیت بئے فاضل ججز، وزیر قانون پنجاب راجہ بشارت، ایڈیشنل اٹارنی جنرل پاکستان اشتیاق اے خان، قائم مقام ایڈووکیٹ جنرل پنجاب شان گل، رجسٹرار لاہور ہائی کورٹ بہادر علی خان، سابق رجسٹرار لاہور ہائی کورٹ اشترعباس، آئی جی پنجاب پولیس شعیب دستگیر، سیشن جج لاہور قیصر نذیر بٹ، سینیئر ایڈیشنل رجسٹرار ہائیکورٹ ڈاکٹر عبدالناصر، سابق چیف جسٹس اسلام آباد ہائی کورٹ اقبال حمید الرحمن، سیکرٹری قانون پنجاب نذیر احمد گجانہ، ممبران پاکستان بار کونسل اعظم نذیر تارڑ اتے احسن بھون سمیت وکلا دے علاوہ چیف جسٹس لاہور ہائی کورٹ دے رشتے دار تے صوبائی تے وفاقی لاءافسران ، جوڈیشل افسران تے لاہور ہائی کورٹ دے افسران موجود ہن ۔حلف برداری تقریب دے موقع تے کورونا وائرس دے کھنڈنڑ توں بچنڑ کیتے احتیاطی تدبیر اختیار کیتی گی ۔تقریب اچ شرکاءکوں سکریننگ تے ہینڈ سینیٹائزنگ دے بعد داخل تھیونڑ ڈتا گیا ۔شرکاءکوں بھاکل پاونڑ تے ہتھ نہ ملاونڑ دی ہدایت کیتی گی۔
