بیجنگ ۔ 19 مارچ (اے پی پی) چین اچ کورونا وائرس دی وباءدے بعد پہلی واری گزریل 24 گھنٹے اچ کوئی نواں کیس سامنڑے کائنی آیا جیرھا جو چین دے کورونا وائرس دے خلاف جنگ اچ ہک ٹرننگ پوائنٹ ثابت تھئے جڈاں جو ملک اچ ہک ڈینھ اچ کورونا وائرس توں متاثرہ 819 مریض صحت یاب تھی تے ہسپتال توں ڈسچارج تھی گن جیں دے بعد صحت یاب تھیونڑ آلیں دی مجموعی تعداد 70,420 تھی گی اے ۔ چینی خبر رساں ادارے دے مطابق چینی صحت دے حکام ڈسائے جو بدھ دی وچلی رات تئیں باہرلے ملک توں آئے 34 لوکاں اچ کورونا وائرس دے کیس رپورٹ تھن تاں جو انہاں دی شہریت دی تفصیلات کائنی ڈسائی گی۔ حکام ڈسائے جو بدھ کوں چین دے صوبے ہوبی اچ کورونا وائرس توں 8 لوک ہلاک تھن تے مقامی طور تے کرونا وائرس دے متاثرہ کیس دی منتقلی گھٹ تھی تے زیرو تھی گی جیں دے نتیجے اچ صوبہ ووہان اچ خمیس کوں کورونا وائرس دا کوئی نواں کیس رپورٹ کائنی تھیا ۔
