بیجنگ ۔05مارچ (اے پی پی)چین اچ کورونا وائرس دے 2189 مریضاں کوں ہسپتالاں توں ڈسچارج کر ڈتا گے جیں دے بعد روبصحت ہونے آلے مریضاں دی مجموعی تعداد52045 تھی گی اے ۔ چائنہ ہیلتھ کمیشن دی رپورٹ دے مطابق پورے ملک اچ ہنڑ تئیںکورونا انفیکشن دے 80409 تصدیق شدہ کیس سامنڑے آئن جڈاں جو 3042 لوکاں دی موت واقع تھئی اے ۔ڈوجھے پاسوں دنیاں دے 76 بئے ملکاں اچ وی ایں وبا نال 12600 لوکاں دے متاثر تھیونڑ دی تصدیق تھئی اے جیں اچوں214 مریض مرگن ۔جنوبی کوریا اچ گھٹ توں گھٹ 33 موتاں رپورٹ تھئن جڈاں جو ایران اچ ہنڑ تئیں 92موت دی اطلاع اے ۔ اٹلی 587 مریضاں اتے 107 موت دی تصدیق کیتی اے جیں دے بعد اتھاں مریضاں دی مجموعی تعداد 3089 ۔ اطالوی حکومت 15 مارچ تئیں پورے ملک اچ سارے سکول تے یونیورسٹیاں بند کرڈتن ۔ جاپان اچ ہنڑ تئیں دے 1037 کنفرم کیسز اچ بحری جہاز توں آونڑ آلے 706 مسافر وی شامل ہن ۔ بدھ دی ڈوپہر تئیں امریکہ اچ کورونا وائرس نال 11 بندے ہلاک تھن جیں اچ 10دا تعلق ریاست واشنگٹن جڈاں جو ہک کیلیفورنیا توں ہئی ۔کینیڈا دے حکام وی 34 کیسزدی تصدیق کیتی اے جڈاں جو سلووینیا اتے ہنگری سمیت بئے ملکاں اچ وی ایں وائرس دے پہلے مریض رپورٹ تھن ۔
