اسلام آباد۔ 23 مارچ (اے پی پی)وزیر خارجہ یورپی یونی کوں خط لکھیے جیندے اچ آکھیا گئے جو کرونا دی صورتحال پوری انسانیت کیتے بہوںا وکھی اے،ترقی پذیر ملکٓں تے ایندے سنگین اثرات پاروں بیرونی قرضے گھٹائے ونجن،ایران تے پابندیاں وی مکڑیاں چاہیدن،جگ مقبوضہ جموں وکشمیر دی صورتحال تے وی توجہ ڈیوے۔انہاں آکھیے جو کرونا مصیبےت آلی کار پورے جگ تے ترٹ پئی اے،عالمی برادری ایں وبا نال نمتنڑ کیتے ہھت ونڈاوے۔ انہاں آکھیے جو کورونا انسانیت کیتے ہک بحران اے جیندے اثرات خاص طورتے ترقی پزیر ملکاں کیتے تباہ کن ہین،معیشت خراب تھی گئی اے،پورا جگ ایں وبا نال بنڑن کیتے لگا ہوئے جیندے نال ساڈا سماجی اتے معاشی نظام ہل تے رہ گئے۔وزیر خارجہ یورپی یونین کوں توجہ ڈیوائی جو او ایران توں پابندیاں چاونڑ کیتے کردارادا کرے،عالمی برادری ایران اچ قیمتی انسانی جاناں بچاونڑ کیتے مطلوبہ انسانی معاونت دے ہنگامی اقدامات کرے۔ شاہ محمود قریشی آکھیے جو اجوکی صورتحال پاروں وزیراعظم عمران خان ترقی پزیرملکاں توں قرض دا بھار گھٹ کرنڑ دا آکھیے تاں جوترقی پزیرملک اپنڑے وسائل انسانی جاناں بچاونڑ اتے معاشی بدحالی دی بہتری کیتے لا سگن۔
