اسلام آباد ۔ 21 مارچ (اے پی پی)کرونا وبا دے حوالے نال وزارت خارجہ اچ قائم کیتے گے “کرائسز مینجمنٹ سیل” دا اجلاس ہفتے کوں وزیر خارجہ مخدوم شاہ محمود قریشی دی زیر صدارت تھیا ۔وزیر خارجہ سیلف آئسولیش پاروں ویڈیو لنک دے ذریعے اجلاس دی صدارت کریندے پئے ہن ۔کرائسز مینجمنٹ سیل دا قیام، کرونا انفیکشن کوں عالمی وبا قرار ڈتے ونجنڑ دے بعد ہنگامی طور تے عمل اچ گھن آیا گے ۔وزیر خارجہ آکھیے جو معلومات دی وختی ترسیل کیتے پوری دنیا اچ موجود پاکستانی سفارت خانیں اچ فوکل پرسنز نامزد کرڈتے گن جیرھے جو مستقل بنیاداں تے کرائرسز مینجمنٹ سیل نال رابطے اچ ہن ۔ شاہ محمود قریشی آکھیے جو وزارت خارجہ اچ قائم اے خصوصی سیل، کرونا چیلنج دے پیش نظر پاکستان اچ موجود ڈوجھے ملکاں دے سفارت خانیں تے پوری دنیا اچ موجود پاکستانی سفارت خانیں نال مسلسل رابطے اچ رہ تے وختی ضروری معلومات دے تبادلے کوں یقینی بنڑاونڑاں اے
