اسلام آباد ۔ 24 مارچ (اے پی پی) وزیراعظم دے مشیر برائے خزانہ ومحصولات ڈاکٹرعبدالحفیظ شیخ ریلیف اقدامات کیتے فنڈز ڈیونڑ سانگے ضابطے دیاں رکاوٹاں مکاونڑ کیتے ساریاں کوششاں ممکن بنڑاونڑاتے ایکوں سادہ اتے شفاف بنڑاونڑ دی ہدایت کیتی اے۔اے گالھ انہاں وزارت خزانہ اچ کورونا وائرس نال نبڑن کیتے امدادی اقدامات سانگے فنڈز دے طریقہ کارکوں سٹریم لائن کرنڑ بارے اجلاس نال خطاب اچ آکھی۔اجلاس اچ وفاقی وزیراقتصادی امورحماداظہر، وزیراعظم دے معاون خصوصی برائے صحت ڈاکٹرظفرمرزا، نیشنل ڈیزاسٹر اینڈ رسک منیجمنٹ فنڈدے سی ای او، سیکرٹری وزارت خزانہ نوید کامران بلوچ، سیکرٹری اقتصادی امورڈویژن، سیکرٹری قومی صحت خدمات، اتے چیئرمین این ڈی ایم اے لیفٹننٹ جنرل محمدافضل شرکت کیتی۔ اقتصادی اموردے وزیرمملکت حماد اظہر عوام کوںسوکھ ڈیونڑ کیتے فنڈز تے تفصیلی بریفنگ ڈتی۔نیشنل ڈیزاسٹر اینڈ رسک منیجمنٹ فنڈ دے سی ای او اتے چئیرمین این ڈی ایم اے وبا نال نبڑن کیتے ادویات اتے آلات دی خریداری کیتے حکمت عملی ڈسائی۔
