کورونا وائرس بارے آگاہی مہم دے باوجود سرائیکی صوبے دی جدوجہد جاری رہسی،،صدرسرائیکستان قومی کونسل ظہور دھریجہ

ملتان ۔ 24 مارچ (اے پی پی)سرائیکستان قومی کونسل دے صدر ظہور دھریجہ آکھیے جو کورونا وائرس بارے آگاہی مہم دے باوجود سرائیکی صوبے دی جدوجہد جاری رہسی،کورونا وائرس دے مسئلے تے عالمی برادری کوں غور کرنڑا چاہیدے،پورے جگ کوں گھر اچ بند کرنڑ چنگی گالھ نئیں،احتیاطی تدابیر ضرور کرو بھل لاک ڈاون چنگی گالھ نئیں ایندے نال لوکاں اچ آونڑ آلا خوف اتے مایوسی کورونا وائرس توں وی ودھ خطرناک اے۔ہک بیان اچ انہاں آکھیے جو کورونا وائرس کیتے مجوزہ ٹاسک فورس اچ بنھاں جماعتاں دے نال نال سرائیکی جماعتاں دے نمائندے وی رلائے ونجن اتے ایندے تے اے پی سی سڈی ونجے ۔انہاں زور ڈتے جو کورونا وائرس دے نال نال بنھاں بیماریاں تے وی توجہ دتی ونجے،صاف پانڑی وی ہک وڈا مسلہ اے ،ایں اوکھ اچ غریب کون ودھ سوکھ ملنڑا چاہیدے اتے غریب طبقے کوں کنڑک در تے پچائی ونجے جو او ڈو ویلھے دا ٹکر بھورا کر سگسن۔انہاںا ٓکھیے جو حکومت ترجیحی طور تے عوام کوں ریلیف ڈیونڑ کیتے عملی اقدامات کرے اتے حیاتی دی چہل پہل بحال کیتی ونجے،ایں موقع تے ہر انسان کوں توبہ کرنڑی چاہیدی اے اتے اپنڑے رب دو رجوع کرنڑ اچاہیدے جیڑھا ہر آفت ٹالنڑ آلا اے۔