کورونا وائرس ڈبیں تے بیاں چیزاں تے کئی گھنٹے تئیں موجود رہندے ، جدید تحقیق

واشنگٹن۔ 18 مارچ (اے پی پی) امریکہ دے معروف طبعی جریدے ، انگلینڈ جرنل آف میڈیسن اچ چھپنڑ آلی ہک نویں تحقیق دے مطابق کورونا وائرس کئی گھنٹے ڈبیں تے بیاں چیزاں دی سطح تے موجود رہندے ۔چینی خبررساں ادارے دے مطابق امریکی قومی صحت دے ادارے ہک تحقیق دے بعد کورونا وائرس دے استحکام بارے اہم معلومات ڈیندے ہوئیں ڈسائے جو کورونا وائرسہوا اچ 3گھنٹے ، تانبے تے4 گھنٹے ، کارڈ بورڈ تے 24 گھنٹے ، پلاسٹک اتے سٹیل تے 2 توں ترائے ڈینھ تئیں مستحکم رہ سگدے ۔این آئی ایچ دے سائنس داناں دے علاوہ بیماریاں دے کنٹرول تے روکنڑ دے مراکز ، کیلیفورنیا یونیورسٹی ، لاس اینجلس ، اتے پرنسٹن یونیورسٹی دے مشترکہ طور تے کیتی گئی تحقیق دے مطابق کورونا وائرس دے کھنڈنڑ کوں روکنڑ کیتے انفلوئنزا تے بئے ساہ دے وائرس وانگوں احتیاطی تدبیر استعمال کرن ۔