راولپنڈی ۔ 23 مارچ (اے پی پی) چیف آف آرمی سٹاف جنرل قمر جاوید باجوہ دی صدارت اچ خصوصی کورکمانڈر کانفرنس منعقد تھئی جیندے اچ کورونا وائرس (سی او وی آئی ڈی 19-)دی صورتحال دا جائزہ گھدا گیا اتے اہم فیصلے کیتے گین۔پاک فوج دے شعبہ تعلقات عامہ (آئی ایس پی آر)موجب کور کمانڈرزمتعلقہ ہیڈ کوراٹرزتوں وڈیو لنک کانفرنس اچ شرکت کیتی۔ایں موقع تے کورونا وائرس دے پھیلاﺅ دا جائزہ گھدا گئے اتے وباءمکاونڑکیتے سول انتظامیہ دی مددکیتے پاک فوج دی تیاری داعزم کتیا گئے جو پاک فوج دے سارے دستیاب دستے اتے پورے ملک اچ طبی وسائل شارٹ نوٹس تے سول انتظامیہ دا ہتھ وندیسن۔کانفرنس نال خطاب اچ پاک فوج دے سربراہ جنرل قمر جاوید باجوہ آکھیا جو کوئی وی ہک ذمہ دار اتے پرعزم قوم کوں شکست نئیں ڈے سگدا،پاک فوج قومی کوششاں اچ حصہ پیندے ہوئے انشاءاللہ اپنڑے فرائض دی ادائیگی سانگے خدمات سرانجام ڈیسی اتے قوم دی حفاظت کریسی۔
