اسلام آباد ۔ 6 اپریل (اے پی پی) وزیر اعظم دی معاون خصوصی تخفیف غربت و سماجی تحفظ ڈاکٹر ثانیہ نشتر آکھیے جو وفاقی حکومت کورونا وائرس دے پیش نظر معاشرے دے کمزور طبقات دی مدد کریندی پئی اے تے احساس ایمرجنسی کیش پروگرام دے تحت مستحق خانداناں کوں مالی امداد دی فراہمی ایں ہفتے شروع تھی ویسی ۔سنوار کوں ریڈیو پاکستان دے کرنٹ افیئرز پروگرام اچ گال مہاڑ کریندے ہوئیں انہاں آکھیے جو ایں پروگرام دے تحت چا مہینے کیتے روزانہ دے استعمال دیاں چیزاں پوریاں کرنڑ کیتے ہک مستحق خاندان کوں ہکے واری 12ہزار روپے دی مالی امداد ڈتی ویسی ۔ڈاکٹرثانیہ نشتر آکھیے جو مالی امداد دا مقصد کوروناوائرس دے پیش نظر لاک ڈاون توں متاثرہ معاشرے دے محروم طبقے دی مدد کرنڑ اے ۔انہاں آکھیے جو مستحق لوکاں کوں آکھیے جو او امداد کیتے اپنڑے استحقاق متعلق معلومات حاصل کرنڑ کیتے 8171 تے ایس ایم ایس دے ذریعے رابطہ کرسگدن۔ڈاکٹرثانیہ نشتر آکھیے جو ایں سروس دے ذریعے ہنڑ تئیں ترائے کروڑ 40لکھ سنھیے مل گئن ۔انہاں آکھیے جو ایں پروگرام توں فائدہ چاونڑ ولیں دا حتمی فیصلہ تے اعداد و شمار دے جائزے ،مالی حیثیت، ماہانہ بلاں دی اوسط شرح اتے سفری تاریخ جیہوجے جانچ پڑتال دے طریقیں دے ذریعے کیتا ویسی ۔ سرکاری ملازمین ایں سکیم توں فائدہ چاونڑ دے اہل کائنی ۔
