اسلام آباد ۔ 7 اپریل (اے پی پی) احساس ایمرجنسی کیش پروگرام دے سلسلہ اچ منگل دی سویل تئیں ملنڑ آلے ایس ایم ایس دی تعداد3 کروڑ 86 لکھ 56 ہزار8 سو 37 اے، ایمرجنسی کیش امداد دے مستحق افراد شناختی کارڈ نمبر 8171 تے ایس ایم ایس کرتے ایں پروگرام توں فائدہ چا سگدن۔ وزیراعظم دی معاون خصوصی برائے تحفیف غربت تے سماجی تحفظ ڈاکٹر ثانیہ نشتر آکھیا جو احساس ایمرجنسی کیش پروگرام پاکستان دی تاریخ دا ساریاں توں وڈا سماجی تحفظ دا پروگرام اے جئیں نال 1کروڑ20لکھ توں ودھ ٹبراں کوں مالی تعاون کیتا ویسی اتے12000روپے دی ٹبر ڈتے ویسن۔پروگرام دا بجٹ 150ارب روپے اے۔بدھ توں رقم دی ونڈ شروع تھی ویسی۔
