حکومت دی بھرپور کوشش اے جو کورونا روکنڑ تے معیشت دا پیتھا چلاونڑ اچ توازن قائم رکھیا ونجے ، وزیراعظم عمران خان داکورونا وائرس دی موجودہ صورتحال تے اقدامات دے جائزہ اجلاس دی صدارت کریندے ہوئیں اظہار خیال

APP74-20 ISLAMABAD: April 20 - Prime Minister Imran Khan chairing a meeting on COVID-19. APP

اسلام آباد ۔ 20 اپریل (اے پی پی) وزیراعظم عمران خان آکھیے جو حکومت دی بھرپور کوشش اے جو کورونا روکنڑ تے معیشت دا پیتھا چلاونڑ اچ توازن قائم رکھیا ونجے،تاجر برادری دی مشکلات دا پتہ اے ، کورونا دے خلاف ساریں توں موثر حکمت عملی سماجی فاصلیں کوں یقینی بنڑاونڑ ،ایں جنگ اچ ڈاکٹر تے طبی عملہ اساڈا ہر اول دستہ اے انہاں دیاں ضرورتاں پوریاں کرنڑ پہلی ترجیح اے ، مسیتاں تے عبادات دے حوالے نال لائحہ عمل ملک دے جید علما کرام تے مشائخ دے پورے اتفاق رائے نال طے پاتے ، کورونا وائرس روکنڑ دے حوالے نال اقدامات سانجھی ذمے واری اے ۔اے گال انہاں سنوار کوں کورونا وائرس دی موجودہ صورتحال تے روکنڑ دے حوالے نال اقدامات دے جائزہ اجلاس دی صدارت کریندے ہوئیں آکھی اے ۔اجلاس اچ وفاقی وزارءحماد اظہر، اسد عمر، مخدوم خسرو بختیار، سیّد فخر امام، معاون خصوصی صحت ڈاکٹر ظفر مرزا، معاون خصوصی اطلاعات ڈاکٹر فردوس عاشق اعوان، معاون خصوصی ڈاکٹر معید یوسف، فوکل پرسن کورونا ڈاکٹر فیصل سلطان، چیئرمین این ڈی ایم اے تے بئے سینئر افسران موجود ہن ۔ معاون خصوصی صحت ڈاکٹر ظفر مرزا وزیرِاعظم کوں پورے ملک اچ کورونا وائرس دی موجودہ صورت حال بارے تفصیلی بریفنگ ڈتی ۔ وزیر منصوبہ بندی اسد عمر کورونا وائرس روکنڑ دے حوالے نال نیشنل کمانڈ اینڈ آپریشن سنٹر ولوں کیتے ونجنڑ آلے اقدامات تے حکمت عملی کوں مزید موثر بنڑاونڑ کیتے زیر گور تجویزاں تے بریف کیتا ۔ وزیرِاعظم کوں ڈسایا گئے جو ایں ویلھے پورے ملک اچ 8ہزار توں ودھ ٹیسٹ روزانہ کیتے ویندے پئن ،ایں مہینے دے چھیکر تئیں 20ہزار ٹیسٹ روزانہ کرنڑ دا ہدف حاصل کر گھدا ویسی ۔ وزیرِاعظم کوں ڈسایا گئے جو ہسپتالاں دی استعدادِ کار کوں ودھاونڑ دے ھوالے نال وی خصوصی توجہ ڈتی ویندی پئی اے ۔ چیئرمین این ڈی ایم اے وزیرِاعظم کوں ڈسائے جو تریجھی کھیپ اچ 408 ہسپتالاں کوں کورونا وائرس متعلق سامان بھجوایا گئے جڈاں جو چوتھی کھیپ اچ ایں سامان کوں ڈوگنا ڈتا ویسی ۔ وزیرِاعظم عمران خان اجلاس نال خطاب اچ آکھیے جو حکومت دی بھرپور کوشش اے جو کورونا روکنڑ تے معیشت دا پھیتا چلاونڑ اچ تواز قائم رکھیا ونجے ۔