اسلام آباد ۔ 3 اپریل (اے پی پی) وزیراعظم دے مشیربرائے خزانہ تے محصولات ڈاکٹر عبدالحفیظ شیخ آکھیا جو حکومت ‘ ری فنڈز دی ادائیگی سانگے 100 ارب روپے جاری کرڈتن،اوکھے ویلھے تجارت اتے روزگار دے تحفظ سانگے حکومت دے اقدامات دی ماضی اچ مثال نی ملدی،ملکی تاریخ اچ پہلی واری وڈے پیمانے تے ٹیکس ری فنڈ دی ادائیگی کیتی گئی اے۔جمعے کوں جاری ہک بیان اچ انہاں آکھیا جو کوروناوائرس دی وباءدے اثرات نال نبڑنڑ سانگے وزیراعظم عمران خان ولوں اعلان تھیے 1240ارب روپے دی امدادی پیکیج دے تحت فنانس ڈویژن ’ ٹیکس ری فنڈز دی ادائیگی سانگے ڈو اپریل تئیں 100ارب روپے جاری کر ڈتن۔ ڈاکٹر عبدالحفیظ شیخ آکھیا جو اوکھے ویلھے تجارت اتے روزگار دے تحفظ سانگے اجوکی حکومت دے ایجھے اقدامات ہن جنہاں دی ماضی اچ مثال نی ملدی۔ڈاکٹر عبدالحفیظ شیخ آکھیا جو 31 مارچ 2020ئتئیں دے سارے ٹیکس ری فنڈز ڈے ڈتن گئن ۔
