اسلام آباد ۔ 6 اپریل (اے پی پی)وزیراعظم دے معاون خصوصی صحت ڈاکٹر ظفر مرزا آکھیے جو ملک اچ 5 لکھ این۔95 ماسک آ چکن ، بلوچستان اچ ینگ ڈاکٹرز دے احتجاج دے بعد جیویں انہاں نال ڈیل کیتا گئے میں بطور ڈاکٹر اتے معاون خصوصی صحت ایندی مذمت کرینداں ، ڈاکٹرز اساڈے فرنٹ لائن دے ہیروز ہن۔ اے گال انہاں سنوار کوں نیشنل کمانڈ اینڈ آپریشن سینٹر اچ بریفنگ ڈیندے ہوئیں آکھی اے ۔ ڈاکٹر ظفر مرزا آکھیے جو بلوچستان اچ ینگ ڈاکٹرز ولوں احتجاج تے جیویں ڈیل کیتا گئے میں بطور ہک ڈاکٹر اتے وفاقی وزیر صحت ایندی ودھ ساری مذمت کرینداں ۔انہاں آکھیے جو سارے ڈاکٹرز اساڈے فرنٹ لائن دے ہیروز ہن اے اساڈی کورونا دے خلاف کاوشاں اچ ہراول دستہ ہن۔ انہاں آکھیے جو میں انہاں دے نال پوری یکجہتی دا اظہار کرینداں تے انہاں کوں یقین ڈوینداں جو تساں حکومت دی پہلی ترجیح او۔ انہاں آکھیے جو میں ڈاکٹرز اتے طبی عملے کوں یقیں ڈوینداں جو انہاں کوں سارا حفاظتی سامان وختی ڈتا ویسی۔ ایندے علاوہ گھراں اچ آئسولیشن اچ رہنڑ آلے لوک سرجیکل ماسک دا استعمال کر سگدن تے پاکستان اچ 5 لکھ این۔95 ماسک آگئن ، مزید ماسک دی ضرورت اے ۔
