اسلام آباد ۔ 14 اپریل (اے پی پی) نیشنل کمانڈ اینڈ آپریشن سینٹر کورونا وائرس دے اعداد وشمار جاری کیتن جیندے مطابق ملک اچ کورونا دے تصدیق شدہ کیسز دی تعداد 5716 تھی گئی اے جیندے اچوں ایکٹو کیسز دی تعداد 4242اے اتے پچھلے 24 گھنٹے اچ 342 نویں کیسز سامنڑےا ٓئن۔پنجاب اچ سب توں ودھ کرونا دے 2826کیسز، سندھ 1452،خیبر پختونخوا اچ 800،اسلام آباد 131، بلوچستان 231، گلگت بلتستان 233 اتے آزاد کشمیر اچ 43تھی گین۔ مجموعی طورتے 47 فیصد کیسزبئے ملکاں توںا ٓئن جڈاں جو 53 فیصد مقامی طورتے سامنڑے آئن۔ہنڑ تئیں کرونا پاروں 96 لوک موئن جیندے اچ سندھ اچ 31، پنجاب 24، کے پی کے اچ 35 مریض جان توں گین جڈاں جو گلگت بلتستان اچ 3 اتے بلوچستان اچ 2 مریض کورونا وائرس نال موئن۔ وفاقی دارالحکومت اچ وی کورونا وائرس دا ہک مریض دم تروڑگئے۔ہنڑ تئیں 69 ہزار 328 لوکاں دے کورونا وائرس ٹیسٹ کیتے گین جڈاں جو ملک دے 588 ہسپتالاں اچ آئسولیشن وارڈز دی سہولت اے۔ مختلف ہسپتالاں اچ کرونا دے 1368مریض زیر علاج ہین جڈاں جو 46 دی حالت تشویشناک اے اتے کل 17454لوکاں کوں مختلف قرنطینہ سینٹرزاچ رکھیا گئے۔
