اسلام آباد ۔ 16 اپریل (اے پی پی) وزیراعظم دے مشیربرائے خزانہ ومحصولات ڈاکٹرعبدالحفیظ شیخ ریٹیل دے شعبہ کوںریلیف سانگے سفارشات اتے تجاویز کوںحتمی شکل ڈیونڑ کیتے 5 رکنی کمیٹی بنڑا ڈتی اے جیڑھی وزارت خزانہ اتے فیڈرل بورڈ آف ریونیو(ایف بی آر)دے سینئراہلکاراں تے مشتمل ہوسی۔کمیٹی ریٹیل شعبہ دے نمائنداں نال مشاورت کر تے ایں شعبے کوںریلیف ڈیونڑ کیتے تجاویز اتے سفارشات ڈیسی۔مشیر خزانہ اے اعلان وزارت خزانہ اچ ریٹیل ایسوسی ایشن آف پاکستان دے عہدیداراں نال ہک ویڈیوکانفرنس ویلھے کیتے جیندے اچ ریٹیل سیکٹر دے مسائل اتے حل کیتے تجویزاں داجائزہ گھدا گئے۔وزیراعظم دے مشیرآکھیا جو حکومت ریٹیل دے شعبہ کوں وی ریلیف ڈیسی،ایں سانگے پنج رکنی کمیٹی بنڑا ڈتی اے۔ انہاں کمیٹی کوںریٹیل دے شعبہ کوںمراعات ڈیونڑ کیتے تیزترطرزعمل اختیارکرنڑ دی ہدایت کیتی۔
