اسلام آباد ۔ 4 اپریل (اے پی پی)وزیراعظم عمران خان نال وزیراعلیٰ پنجاب سردار عثمان خان بزدارگورنر ہاوس لاہور اچ ملاقات کیتی۔وزیراعلیٰ پنجاب وزیراعظم کوں صوبے اچ کرونا دی اجوکی صورتحال،کرونا کوں کھنڈنڑ توں روکنڑ کیتے پنجاب حکومت دے اقدامات،ہسپتالاں کوں سہولتاں،قرنطینہ سنٹراں اتے مختلف شہراں اچ کیتے گئے لاک ڈاون کیتے انتظامات تے بریفنگ ڈتی۔وزیراعظم عمران خان کرونا نال نبڑن کیتے بزدار حکومت دی کارکردگی تے اطمینان کریندے ہوئے تعریف کیتی اتے آکھیا جو او اپنڑی نگرانی اچ کرونا دے خلاف اقدامات کوں بیا تیز کرن،عوام کوں ودھ توں ودھ سوکھ دٰونڑ کیتے سارے وسائل لائے ونجن۔
