وزیرِ اعظم عمران خان نال معاون خصوصی امور نوجوانان محمد عثمان ڈار دی ملاقات

وزیرِ اعظم دا کورونا ریلیف ٹائیگر فورس اچ نینگراں دی بھرپور شمولیت دے جذبے تے اظہار اطمینان
اسلام آباد ۔ 2 اپریل (اے پی پی) وزیرِ اعظم عمران خان کورونا ریلیف ٹائیگر فورس اچ نینگراں دی ودھ ساری تعداد اچ رلنڑ دے جذبے دے اظہار اطمینان کریندے ہوئیں آکھیے جو اوکھے حالات اچ نینگراں دا اے جذبہ حوصلہ افزا تے لائق تحسین اے ۔آزمائش دے ویلھے پوری قوم خاص طور تے نینگراں ہر اول دستے دا کردار ادا کیتے ۔اے گال انہاں خمیس کوں معاون خصوصی امور نوجوانان محمد عثمان ڈار نال ملاقات اچ آکھی اے ۔ ملاقات اچ معاون خصوصی وزیراعظم کورونا ریلیف ٹائیگرز فورس اچ رضاکارانہ طور تے رلنڑ دے حوالے نال ہنڑ تئیں دی پیشرفت بارے وزیراعظم کوں ڈسیا ۔ عثمان ڈار وزیرِ اعظم کوں ڈسائے جو ہنڑ تئیں 48گھنٹے اچ تقریبا ترائے لکھ نینگر کورونا ریلیف ٹائیگر فورس دا حصہ بنڑ گئن اے سلسلہ بہوں تکھے تے جوش نال جاری اے ۔ معاون خصوصی وزیرِ اعظم کوں ڈسایا جو رجسٹریشن مہم اچ ملک دے ہر پاسوں نینگر دلچسپی گھندے پن ۔ رجسٹریشن دا عمل 10اپریل تئیں جاری رہسی ۔ وزیرِ اعظم عمران خان کورونا ریلیف ٹائیگر فورس اچ نینگراں دی ودھ ساری شمولیت دے جذبے تے اظہار اطمینان کریندے ہوئیں آکھیے اوکھے حالات اچ نینگراں دا اے جذبہ حوصلہ افزا تے لائق تحسین اے