وزیرِ اعظم عمران خان کورونا وائرس دی صورتحال دے تناظر اچ میڈیا انڈسٹری اتے میڈیا ورکرز دے تحفظ کیتے اقدامات دے حوالے نال 5 رکنی کمیٹی قائم کرڈتی

اسلام آباد ۔ 3 اپریل (اے پی پی)وزیرِ اعظم عمران خان کورونا وائرس دی صورتحال دے تناظر اچ میڈیا انڈسٹری اتے میڈیا ورکرز دے تحفظ کیتے اقدامات دے حوالے نال پنج رکنی کمیٹی قائم کرڈتی اے ۔کمیٹی وزیرِ تعلیم شفقت محمود، معاون خصوصی اطلاعات ونشریات ڈاکٹرفردوس عاشق اعوان، معاون خصوصی شہزاد اکبر، سیکرٹری اطلاعات اتے ڈاکٹر شہباز گل تے مشتمل ہوسی۔ جمعے کوں وزیراعظم دے میڈیا آفس توں جاری بیان دے مطابق کمیٹی دا قیام پاکستان براڈ کارسٹرز ایسوسی ایشن ولوں وزیرِ اعظم کوں بھیجے ونجنڑ آلے خط دے بعد کیتا گئے ۔کورونا وائرس پاروں پیدا شدہ صورت حال تے تناظر اچ میڈیا انڈسٹری کوں ممکنہ بحران توں بچاونڑ تے میڈیا ورکرز دے تحفظ دی غرض نال پاکستان براڈ کاسٹر ایسوسی ایشن وزیرِ اعظم توں براہ راست درخواست کیتی اتے انڈسٹری کیتے حکومت ولوں سپورٹ دی درخواست کیتی ہئی ۔ کمیٹی کوں پاکستان براڈکاسٹرز ایسوسی ایشن ولوں پیش کیتی ونجنڑ آلی سفارشات دا جائزہ گھننڑ تے مسلیں دا حل کرنڑ دا ٹاسک ڈتا گیا ۔ وزیرِ اعظم عمران خان آکھیے جو کورونا وائرس دے درپیش چیلنج ںال نبڑنڑ اچ میڈیا دا کلیدی کردار اے ۔ انہاں آکھیے جوکورونا دے خلاف نبڑنڑ کیتے بئے متعلقین دے نال نال صحافی اتے میڈیا ورکرز وی ہر اول دستے دا کردار ادا کریندے پئن۔ میڈیا ورکزر دے تحفظ اتے انڈسٹری دی مشکلات گھٹ کرنڑ دی ہر ممکن کوشش کیتی ویسی ۔